كيفكم ياحلوين ..
جبت لكم قصتين ..
قصة ربيكا البريطانيه .. نص الحوار ناسيه
وقصة تسحيب اخواني .. هذا الحوار ماينسي ..
.................................
سالفة ربيكا
قبل ابدى في السالفه .. انااااا بليييد في الانجليزي وندمت على شخصيه ربيكا ..
مره كنت اكلم واحد من خوالي في الماسنجر ...خالي سحبته اول
المهم
قلت كيفك ياخالي ؟؟
وش عندك ؟
قال انه يكلم الاقارب في الماسنجر وعددهم لي .......
قلت : ياخال دخلني الصفحه بصفتي صديقتك ...
قال .. لا مااقدر فيه اصحاب لي مايحبون هذي العلوم ..
قلت .. دخلني باني بريطانيه تعرفت عليها في البالتوك .. وانها معجبه في الاسلام .. وخليهم يحاولون تعليمها اصول الدين الاسلامي ..
قعد يضحك هههههههههههههههههه
قال .. انت خبيث
قلت .. ابغاهم يستفيدون من هذي التجربه ..
قال .. طيب
فتحت ايميل التسحيب
وانتظرت الاضافه
قال خالي .. انا جهزت كل شئ ..
بس وش اسمك ..
قلت .. ربيكا ..
وجات الدعوه
الكل منتظرني على نار .. ودهم يشوفون البريطانيه
قلت هاي بي انجليزي
قالو ..ولكم
كلهم .. وت يوزر نيم .. وجابت ماي نيم از ربيكا ..
ماعرفت للجمع .. قلت .. وت يوزر نيم !!
الي قال احمد .. وسند ورايد
صارو يعطوني باسئله مثل اسئلة الوزاره ...
وانا فاتح الوافي واترجم
وخالي فاك لي صفحه في الماسنجر .. ويغششني ..
وانا انسخ كلام خالي كله ووالصق لهم ..
وكل واحد يعطيني اربع اسئله .. كررف
وانا تعبت الوافي وفكيت صفحة قوقل .. واكتب جمل انجليزيه سهله
وانااااا اتأخر في الرد على أسئلتهم ...!
انا تعبت مرره .. ويستلموني محشات وتريقه .. على بالهم اني ما افهم كلامهم هههههههههههه
قلت لي خالي قلهم .. ان ربيكا تجيد اللغة العربيه الفصحى ..<<<
ابغا اخرج من هذي الورطه !
كلمهم .. يوم كلمهم بداء الشك يدخلهم ..
سند قال ياربيكا كيف تعلمت اللغة العربيه ؟
قلت .. تعلمتها في الهند !!
الكل يضحك هههههههههههههه شاكين فيني
قال سند : الي يبغى يتعلم اللغة العربيه ياتي لموطن عربي لكي يجيد اللغة !!
حاول يحشرني هههههههه
قلت : انا دخلت الدورة وكان معلمنا مصري الجنسية وكان يحبني من بين طلابة !!
أحاول اغير الاسئله ..
قال احمد وهو يتريق في الصفحه .. شكل خشتها يابسه كان زاعقة ضربتها ههههههههههه على باله اني مافهمت هههههههه
قلت : اناا اجمل مرئة في الحي الذي اسكنه فيه ..
قال احمد .... والله مصيبه كيف عرفت كلالمي
قال رايد .. اكيد تشوفين نفسك جميله .. لانك ساكنه عند هنود هههههههههههه
الكل قاعد يضحك .. حتى خالي قاعد يضحك ههههههههه
انا ماتحملت ....
قلت .. انت وين ساكن يا الفارسي ..ههههههههههه
ترى شاروخان مسوي زحمه عند العرب ..
هندي عن مية رجال هههههههههههههه <<<<< اول مره ادافع عن الهنود
قال سند :: صرتي فصيحه ياربيكا ..!
قلت :: تعلمت الفصاحه من اكل الفلافل ..
قلت :: ممكن سؤال للجميع ؟
قالو : تفضلي .
قلت :: ممكن تعرفوني على الاسلام ؟
قال احمد :: الظاهر انتي يبغالك تعريف ههههههههههه
هههههههههههههههههههههههههههههههههههههه
الكل ماتو ضحك
قلت .. بكره اجي من لندن واجيك السعوديه ادعس على حلقك .ههههههههههههه
قال سند :: بعد ماتضربين أحمد .. في السعوديه
ارجعي لي شاروخ للهند ترى ينتظرك هناك ههههههههههههههه
انا استسلمت...... عرفت انهم قدروو عليا .. والسبب ربيكا .. البريطانيه
ههههههههههههههههههههههههههههه
تمنيت ادخل بشخصيه اسبانيه عشان اتعبهم بي اللغة واخرب الوافي الي عندهم ههههههههههههه
.............................
سالفت تسحيبي اخواني
مقدمه قبل سرد القصة
معلومات عن اخواني
سامي >> ولد يحب المجاملات مثل عيونه ... حق مصلحه ..
اذا قال انا احبك .. اعرف انه يخطط على شئ في المستقبل هههههههههههه الصف ثاني متوسط .. فكيت له ايميل جديد بغى يسولي قصيده هههههه
رعد .. << عدوي في البيت داخل اختصاصي .. التريقه والهياط وعنده موهبة التمثيل ... الصف ثاني ثانوي ...
........................
مره جلست في بيت جدي ..اسبوع
وفكيت الاب توب حق خالي ..
وفتح الماسن .. واخوي سامي دخل معاي في محادثه ..
سامي : اشتقنالك ياخوي ماكنك فاضي في البيت .
قلت : بطل نصب انت تعطيني من الرخيص ... وش عندك
زعل
وخرج مسوي حساس ههههههه
وخالي فك الماسن حقه ... يعني في بيت جدي حاسبين شغاله
انا على الاب توب وخالي على الشخصي الكبير ..
شوي اخوي سامي اشتغل في الماسن ..
كلمت خالي يجمع سامي في صفحه ويعلم سامي باني بنوته تعرفت عليه في المنتدى ..
سامي صدق وقبل الدعوه !!
انا بي اللون البمبي وسامي ورعد بي اللون الازرق وخالي بي الاسود
مساء الخير
مساء النور والسرور
ياقلبوا من معانا !!
سامي .
انا سامي ولد اخو الي يكلمك
انا .. كم عمرك ياشاطر ..
سامي .. كم تتوقين ؟
يمكن 10سنوات
سامي .. غلطانه ياقمر .. <<<<<<< احرجني الكلب هههههههه
خالي : سامي شاب يدرس في المتوسطه
سامي .. كيف تعرفتي على خال !
انا : تعرفت عليه في المنتدى عجبني كلامه وخفت دمه وفوق كذ انه ولد وسيم ..
خالي .. اخجلتي تواضعي !!
بعد خمس دقايق .. ورد
قال .. وديع الكلب >>>>>>>>>> دخل غلط
انا : سلامات وشفيك ؟
قال :: انت وديع عندي رعد يعرف كلامك ..
قلت ياسليمان شيل ولد اختك المريض .. !!
خالي .. صامت
قلت انت شابك غلط ياولدي ياسامي
انت شابك في الآريل ... الكهربه فوق ياشاطر اشبك زين..
سامي :: اعترف ياوديع معاك رعد .. اعترف ياحبيت خالي
عمرك فوق العشرين وانت الا الحين وانت ماتعرف انك بنت والاولد ..
تراها قويه وأنا أخوك !!
ههههههههههههههههههههههههههههههههه
خالي يضحك بس مو في الماسن .. ويقول هذا رعد مو سامي !!
انا ولعت قلت ابغى اخربهاااا ههههههه
قلت : شكلك مشفط بويه انت واخوك ...
اناااا من اليوم اقولكم اني بنوته .. وماقدرتم خالكم .. والله عيب !
رعد .. طيب اسمك ياحلوه !!
انا :: عبله
رعد .. معاك أمرؤ القيس ..
اتركي الزنجي عنتر وكلميني عن نفسك ..<<<< خرجنا 180درجه عن الموضوع ..
قلت .. رجالي عنتر دايم يكفلك ويطلعك من السجن ياسكير!!
ههههههههههههههههههههههههههههههههه
رعد .. انا اوسم من ابو برطم التكروني .. وانا فارس وشاعر مثله ..
انا .. كيف احب واحد وهو يحب وحده ثانية
وبعدين حبيبتك ماهي معطيتك وجه !!
وحبيبي عنتر يذكرني .. انا غايبه عن الدار او في ساحت القتال ....
قال عمري عنتر
ولقد ذكرتك والرماح نواهل مني ... وبيض الهند تقطر من دمي
فديتك ياعنتر <<< انا متخرج من الادبي واحب مادة الادب .. يعني رعد يتعب معي .... عارف انهم عارفيني بس ما احب احد يحررجني في أي موضوع ههههههه عنيد
قال رعد :: الزنجي عنتر .. ما يتروش وريحته طالعه !!
انا : هو صحيح يبخ يبخ اذا صحى من النوم .. بس تاريخه مره حلو
انت .. تاريخك سيء .. سكير ومحشش .. وتحب وحده ماتحبك ..
وتبغى تاخذ ثارك من الي قتل ابوك .. وتموت قبل تاخذ حقك .....!!
>>> مسكت خالي مع انه اختصاصه لغة عربيه .. يرحمك امك يرحم ابوك ههههه انواع الترجي هههه خال قال ابغى اخرج عندي مشاوير ..
قال خال .. عن اذنك ياعبله .. عندي حرب من اليوم يدقون عليا القوم يبغوني ظروري
انا .. طيب حط جوالك على العام .. عشان ماعندي شحن يمكن ارسل لك كولمي ..هههههههههههههههههه
رعد ... طيب انا اشحن لك .. بس تتانزلي عن الزنجي عنتر !!
خال .. عبله حياتي ماتاخذ فلوس حرام .. تروح تبيع حشيش وتسوي كريم ايها الفاسق هههههه
انا .. فديت خشتك ياعوعو هههههههههه ماله اسم دلع
رعد .. قفل الماسنجر وقاعد يكلمني جواال يضحك ههههههههههه
حسبتك ياوديع ولد عم عنتر ههههههههههه كرهتني في امرؤ القيس هههههههه
خلصت سوالفي هذي ..
السالفه الاولى كنت ناوي اسحب الفكره حلوه .. بس اللغة خانتني ههههه
السالفه الي مع اخواني .. كنت ناوي اتريق واعلمهم انا وديع بطل في التريقه هههههههه امح من بطوله ..
السالفه الثانيه حـ تستفيدون منهااا كلها عن الادب العربي هههههههههههه
ماتلاحظون افكاري ماخوذه من كتب المدرسه .. كتاب الانجليزي وكتاب الادب ههههه
اتمنى ما كتبته من سوالف يعجبكم
الأربعاء يناير 27, 2010 4:00 am