ذوق بهمستي ؛دمووع السحاب ؛مون3؛سما دنياي ؛سيل الحب ؛عبير ؛أم عمر ؛الأميره وطبعا انا احب كل عضوات المنتدى بس اعذروني ياالي ماذكرت اسمائكم
********************
ابيك تعرف ان لك صاحب بكل مافيه
يغليك .....
بكل ماعطاه ربي من احاسيس
يحتويك .....
روحه حياته حتى جروحه
تفتديك....
لاتظن انه في يوم يقدر
ينتسيك .....
يبيك تذكره لاصارت الليالي
تجتفيك .....
وتدعيله:
" عسى الله له يخليك "
***************************
فديت وقتن حط في دربي رفيق
واحدن يضحك معي واضحك معه
واحدن لا صار وسط القلب ضيق
بالسوالف والمزايح وسعه
وان حكى باسلوبه العذب الرقيق
يسرق من الجوف قلبن يسمعه
**************************
انا صديقك لا قسى الوقت واكفيك
ولاني من اللي وقت المصالح يجونك
اعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقالوا اني مخاويك
يامنبع الطيب قلبك والصفا في عيونك
*****************************
قلبي اصيل وماضي الحب ماانساه
والصاحب الغالي تشيله عيوني
اشتاق له واشفق لصوته وطرياه
واقول هو دنياي وشموع كوني
رفيق دربي ماتناسيت ذكراه
لو العرب في رفقته يعذلوني
*************************
تعبت ادور بين الاجواد صاحب
وعندي مفاهيم الصداقة عظيمة
وادري الصديق بكل الاحوال ساحب
واحذر صديق السوء حكمة قديمة
احب راعي الطيب والجود والواجب
ناس مثلك تحشم وتستحق الحشيمة
****************************
من نسى في زحمة الدنيا رفيقة
قلت له عندي رفيق مانساني
لو يطول الوقت ويطول طريقه
ادري انه لو يطول البعد جاني
بيني وبينه على العشرة وثيقة
ان بديته بالغلا والا بداني
صرت عنده بالغلا حسبت شقيقه
هو بعد غالي ومن حسبت اخواني
****************************
جالس في وسطهم
قاعد ولاأسمع حكيهم
لاتحسب اني عندهم
انا معك بس جنبهم
متحمسين بحكيهم
ماغير أشوف عيونهم
وأتخيلك وسطهم
سألني واحد بينهم
وش رايك بكلامهم
احرجني والله قدامهم!!
قلت الـــعفو ياقلبهم
ناقص رفيع الشان بينهم
*****************************
اشتقت لك يا صاحبي وين الاقيك؟
محتاج لك بالحيل ودي اشوفك..
اشتقت اسولف معك واسمع حكاويك
واللمه الحلوه وباقي مزوحك
ياصاحبي من كثر ما اطريك واغليك..
صرت اتحلم فيك واصحى واشوفك!
****************************** ***
شخص إلا منه مضى لي معه
يوم
أندم على ايام مضت قبل
ما القاه
احتاج له لا صار في صدري
هموم
ولو ينكسر ساقي تسندني
يمناه
جعل المعزة بيننا دايم
الدوم
هذا الرفيق اللي من الصعب
تنساه
****************************
والله ماأنسى صاحب مانساني
لو طالت الغيبه وضاعت نواحيه
يبقى معي مابين قلبي وعيني
والنفس من بد المخاليق تغليه
وأنشد عن أحواله بعاصف سنيني
وأرتاح لازانت وطابت لياليه
****************************
أفتخر إنك أخت
ما ولدتها أمي
وصديقة سكنها دمي
لاشفتك أنسى أحزاني وهمي
***************************
يحميك ربي من متاهات الاقدار
يا بهجة الدنيا ونجمة سماها
بينك وبين العمر لو كنت باختار
ارخصت نفسٍ لك عطت ما وراها
**************************
ثلاث لايعيب البكاء عليها
وداع صديق
.
.
.
وقصة حب
.
.
.
وبعدك عني
***************************
أنت الصديق اللي صفا لي وداده ... وانت العزيز اللي له القلب يرتاح
**************************
صديقنا الصادق بروحي فديته
وعدونا يخذل ويقهر وينظام
وللاش ولد اللاش لامن لقيته
مع كلاب الضير نرمي له عظام
وأنا معك بمشي بدرب مشيته
سوا سوا لاقلت قدام قدام
*************************
عرفت بحياتي لوعت الوقت والحرمان
وعرفت العذاب وتعبت أميز ألوانه
وجلست أذكر الماضي على قول كان وكان
غرام حفظته ياعسى صاحبي صانه
تراك بحياتي نابض القلب والشريان
ودونك حياتي ياهوى البال خسرانه
**************************
انت مثل الذهب
مهما علا فوقه غبار
يبقى مدى الايام سلعة ثمينة
ومثل المطر مهما المطر هل مدرار
لو غاب عام صاحوا الناس وينه
ومثل البحر غلطان من قال غدار
وموجه يعالج كل عبره حزينة
**************************
مانساك لو ينسى الكحل سود الاهداب .... وشلون تنسى العين صافي نظرها
***********************
تدري خطانا بالحياه...!
أنا زرعنا أحلامنا فوق السحاب
وقلنا متى نصبح شباب ,
ونقطف ورودأحلامنا ولأمنيات
ولما كبرنا وجينا نسأل حلمنا,
تدري وش لقينا.....؟
لقيناأجمل حلم مات..
وبعده درينا..
إن أجمل شي فينا.."الذكريات"
***********************
كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي
***********************
قدرك كبير وصحبتك ترفع الراس ... فوق الغلا تملك وسام الصداقه
***********************
صديقتي كل السهام الي طعنتني باليه
إلا اسهامك ناظريها نار في صدري تقيد
صديقتي رغم الالم تبقي الصداقه (غاليه)
ومن يمسح ادموعي انا ماتدمع اعيونه اكيد
روح الصداقه معطره باحلا المعاني الساميه
وماحس بك غير الصديق لو كان ابعد من بعيد
يوم اشتكيتي دنيتك شفتي اعروقي داميه
ويوم بكيتي دمعتك كم ذاب في صدري جليد
*************************
كلن يقول ان الوفا صعب نلقاه .... وانا اقول ان الوفا فيك مخلوق
**************************
الأربعاء يناير 27, 2010 6:31 pm